ANUNCIO: SKOA Expo 2020 dia 18 di januari

Pa prome biaha SKOA ta organisa un evento publico y unico unda su 46 scolnan ta uni como un comunidad di ensenañza Catolico.

Durante e evento aki, cu lo tuma lugar den Renaissance Convention Center diasabra 18 di januari for di 12 PM te cu 8 PM, lo bai tin oportunidad pa sera conoci cu nos 46 scolnan di kleuter, basis y voortgezet y tambe haci aplicacion pa aña escolar 2020-2021 pa kleuter y basis. Presente tambe lo ta nos partners FAVI, Respaldo Aruba, Departamento di Asunto Social, MdC (Multidisciplinair Centrum), Tienda di Educacion, Telefon Pa Hubentud, Fundacion pa nos Muchanan, IPA, Traimerdia, FECA y Biblioteca Nacional pa duna charlanan riba sosten cu nan ta provee na muchanan y mayornan riba tur aspecto di educacion y siñamento.

SKOA Expo 2020 ta pa grandi y chiki. Mayornan di kleuter tin oportunidad di sera conoci cu e scolnan di nan bario. Alumnonan cu ta preparando pa hasi nan siguinte stap pa un scol primario of secundario por bishita diferente di e scolnan presente. Lo tin diferente doorprizes atractivo y entrada ta gratis.

Keda pendiente pa mas info riba e Facebook Event Page y Like e SKOA Page pa bo keda ON!