Aruba Bank ta contribui na fondo social di SKOA

Aruba Bank y SKOA man den man pa yuda muchanan mas vulnerabel den nos comunidad cu oportunidad pa atende scol durante aña escolar 2020-2021.

Aruba Bank ta contribui AWG 22.750,00 na e fondo social di SKOA na beneficio di e grupo di alumnonan cu ta mas vulnerabel den nos comunidad. Den cuadro di responsalibidad corporativo social, Aruba Bank ta sumamente contento di por contribui na educacion di e grupo di hobennan.

Sra. Tamara Waldron di Aruba Bank

SKOA directora Sra. Anuesca Baly a acepta e donacion for di Sra. Tamara Waldron, Marketing & PR Manager y Sra. Sonaly Fernandez-Acosta y Sra. Lisa Vis-Tromp, Senior Account Managers-Platinum Banking di Aruba Bank, Dialuna mainta na e sucursal na Camacuri.

Sra. Anuesca Baly di SKOA

SKOA ta gradici Aruba Bank N.V. pa nan sosten pa nos muchanan vulnerabel.