15 november 2021

 

15 november 2021

Hulanda – Lo percura pa maestro haya un boostershot mescos cu esnan den Sector di Cuido y prome cu otro trahadornan. A base di e experiencianan di ana pasa, caminda e falta di reconose maestronan como trahadornan cu por core mas riesgo, lo calcula esey aden ora di distrubui e boostershots.

Ta parse cu tur dia e urgencia pa tin boostershots di e vacuna disponibel pa maestronan ta bira mas grandi. Poco dia pasa FDA a aproba e boostershots y ya caba ta premira un falta di e di tres vacuna pa tur esnan cu ta core mas riesgo den nan trabou pa wordo infecta cu e virus: esnan den sector medico y maestronan. Specialmente bou di esnan cu ta traha den educacion obligatario, pues scol basico, special, scol secondario y EPI.

Sector di cuido ta na prome lugar, caminda ta toca e riesgo pa wordo infecta. Esey ta algo masha logico, pero despues di esey un estudio a mustra cu docentenan y maestro, ta core mas riesgo den nan trabou pa wordo infecta cu e virus. Di tur trahador entre 18 y 69 ana, un cantidad di 5,6% di esnan cu a test positivo tawata traha den e sector di ensenansa of cuido di mucha, mientras di tur trahador en total e grupo aki no ta surpasa 3,4%. (UHasselt, KU Leuven, Idewe en Sciensano).

Diferente instancianan ta bin dilanti awor y ta splica cu nan a siña di e aña anterior y cu e biaha aki lo percura pa maestronan wordo inclui den e prome grupo di trahadornan cu mester haya e boostershot disponibel pa proteha nan. ”Nos ta desea tambe pa enseñansa por sigui pa e alumnonan no bolbe wordo afecta.”, asina e presidente di sindicato AOb a declara.

 

Scirbi pa Gisele Sint Jago