Organisadornan di e Conferencia, “Ensenansa, nos responsabilidad’, cual ta G297, Na vanguardia di ensenansa (G297), Sindicato di Maestro di Aruba (SIMAR) y Instituto Pedagogico Arubana (IPA) ta organisa un conferencia online pa maestro diamars dia 10 di mei 2022. E grupo G297 ta consisiti di sr. drs. Chando Pietersz,  sr. Nelson Petronia, sr. drs. Jose de Sousa Fernandes Perna y sr. Jaime Mata.

E conferencia ta programa pa cuminsa 3:00 pm y ta termina 6:30 pm

Link pa inscripcion y registracion pa sigui conferencia online:https://forms.gle/onhaKeaFGp3setr79

E conferencia ta trata 6 topico di cada un 50 minuut, den tres diferente sala y den dos tanda. Esaki ta nifica cu lo presenta tres topico simultaneamente durante cada tanda. Alabes e maestro mester scoge cua topico e ta desea di sigui. Inscripcion ta cera diabierna dia 6 di mei pa 6:00 pm.