Oranjestad, Aruba: Mayornan por inscribi nan yiunan pa e proximo aña escolar y join e famia di SKOA pa asina yuda nan descubri nan potencial maximo den nan trayecto di educacion.

Dicon scoge pa SKOA?
Nos meta primordial na SKOA ta enfoca ariba e desaroyo y crecemento di cada mucha. Nos ta ofrece educacion di calidad cu ta enfatisa balornan Catolico, comunicacion na nivel multilingual, inclusion, innovacion y actividadnan extra-curicular. Mayornan por scoge di un variedad grandi di scolnan pa nan yiunan. Muchanan cu ta bay SKOA ta ricibi un educacion completo cu ta prepara nan pa e futuro.

inscribi completamente digital:
Por inscribi via nos website www.skoa.aw pa asina inscribi completamente online. Por inscribi via email na aplicacion@skoa.aw. Por inscribi tambe via WhatsApp na +297 748 5995 y sigui e pasonan pa completa e inscripcion. Ora di inscribi mester pone bon atencion ariba e documentonan necesario pa asina por cumpli cu e proceso di inscripcion di cada yiu exitosamente. Pa mayornan cu ya caba tin yiu inscribi na SKOA por haci inscripcion di e yiu cu ta bay cuminsa basis via nos systema di SAS.

SKOA ta duna guia na tur mayor durante e proceso di inscripicion. Pa mas informacion bishita nos website www.skoa.aw of por yama nos directo na (+297) 523 1800 durante orario di oficina.

08/05/2024