‘Trends in Mathematical and Science Studies’ (TIMSS) ta e estudio educativo y mundial cu tin mas aña andando. El a cuminsa na aña 1995  y e test mas recien tawata na aña 2019. E ta un test cu ta wordo ten’i bou di muchanan den klas 2 (4th grade) y klas 6 (8th grade) y ta midi nan capacidad pa soluciona problemanan den e materianan di  calculacion of matematica y sciencia. En total a organisa 7 ciclo di test entre 1995 y 2019.

Pa yega na e preguntanan, tur pais ta entrega informacion tocante e materia y e tipo di preguntanan y habilidad cu nan ta test na nan pais. A base di esaki e test ta wordo compila den e idioma materno di e muchanan. Ademas, nan ta crea 4 ‘benchmarks internacional’, cual ta punto di referencia, pa por midi y compara e nivel:

1) Abou (400 punto)

2) Intermedia (475 punto)

3) Halto (550 punto)

4) Avansa 625 punto

Studiante riba e nivel abou, tin conocemento basico di e topiconan. Riba e nivel avansa e mucha por aplica su conocemento riba situacionnan complica y por discuti riba su motivacion.

E paisnan cu e resultadonan mas halto na 2019 den tur categoria ta Singapore, Hong Kong, Taipei Chines, Republica di Korea y Japon. Hulanda a sali na di 14 lugar den e test pa mucha di grupo 4 (klas 2), pero no a participa na e test di grupo 8 (klas 6). E cantidad di pais cu ta participa ta varia bastante. Ta solamente e prome top paisnan y tambe USA ta participa na tur test desde e cmienso.

E lo ta un idea pa nos pensa si na Aruba nos tambe por cuminsa participa na e test aki, pa asina sigui vigila e desaroyo y progreso di nos educacion en general, pero specificamente pa cu matematica y science como cu e dos materianan ey mester haya mas atencion pa crea e profesionalnan cu nos Isla mester y pa por solucuona problemanan riba e tereno di nos  medio ambiente. A bira tempo pa nos capatalisa riba e potencial humano cu nos pueblo tin, dor di crea test den e idioma materno di tur mucha. Tecnologia a crea e oportinidad pa por cumpli cu esaki na un manera efficiente y economico.