CR38TE ta un compania cu ta crea websites, webshops, web apps y apps pa smartphones. Tambe nan ta diseña hopi cos pa social media y online marketing.

Sr. Tristan Every di CR38TE ta splica con directora di SKOA a aserca e compania cu e proyecto pa crea un logo nobo. E tabata un oportunidad pa CR38TE por contribui tambe na e hobennan di un forma of otro. A sinta y brainstorm hopi riba kico nan kier a mira den e logo nobo aki cu lo wordo desvela den September. E resultado tabata algo moderno, pero alaves manteniendo e centro di SKOA.

Tambe a cuminsa papia rib’e creacion di un website nobo pa SKOA den cual por mira tur locual tin di haber cu SKOA y tur informacion di scolnan cu ta cay bou di SKOA riba un solo website, cual tambe lo wordo desvela den September. E meta principal di e website ta pa tur informacion tocante scolnan por wordo haya ey riba.