At the peak of the global lockdowns imposed to counter the spread of COVID-19, 1.6 billion children were out of school. A

Durante e piek di e pandemia, caminda Lockdwons a wordo implementa pa stop e plamacion di Cobid-19, un cantidad di 1.6 biyon mucha no por a bay scol mas. Un cantidad immenso, pero ora tur di nan regresa na scol, ta djies algun luna di atraso lo tin. Maestronan lo por yuda nan haal in esaki y a lo largo nan e efectonan lo keda manehabel.

Pero, ya caba a sali na cla cu no tur di nan ta bin bek. Prome cu e crisis caba tawata tin mas cu 250 miyon mucha cu no tawata atende scol y awor mas ainda lo no regresa scol. Mayornan lo no sinti sigur pa manda nan yiunan scol, pero tambe e gastonan pa atende scol lo subi y asina ta demasiado halto pa e mayornan paga. Tambe lo ta posibel, cu muchanan no ta wordo manda scol, pasobra nan tin cu yuda e famia recauda fondo y entrada extra pa cubri e debenan cu e crisis a causa.

Hopi ta esnan cu aunque nan ta bay scol bek, nan no ta sinando riba e nivel cu nan mester. Prome cu Covid caba casi mita di e populacion di mucha mundialmente cu ta atende scol, no tawata logra un educacion sufficiente halto pa por haci cosnan basico di lesamento y calculacion. E cirfra aki ya caba a subi cu 10% mas pavia di e pandemia. Y mundialmente tin hopi scol cu ta cera nan portanan, cual lo haci e problema mas grandi.