Projecto ‘Success for All’, siñamento cooperativo ta stimula lesamento!

E projecto ‘Success for All’ a wordo introdci pa prome biaha den ana 1987-1988. Caminda tin mas interaccion, ripiticion y cooperacion durante e lesnan di idioma y lesamento. Durante e decadasnan el a sigui wordo adapta pa cana pareu cu e desaroyonan technico cu a tuma lugar den comunidad. ‘Success for All’, desde su inicio a baha e atraso di 2 ana, den nivel di lesamento na e scolnan na Merca di 11,6% pa 3,8%, den su prome aña. Tambe el a baha frustacion y miedo di faya den e muchanan y hisa nan sentiemiento di alegria durante lesamento y les di idioma.

El a wordo traduci y introduci na Hulanda na aña 2019. yMaestronan, mayornan y specialmente e muchanan ta sumamente contento cu e manera di traha activo pa adkiri habilidad pa domina e idioma Hulandes. E ta yuda mucha di tur nivel y cu diferente conosemento di idioma haya mas confiansa y sinti mas contento ora di siña lesa, scirbi y comunica den un cierto idioma.

Algun actividadnan cooperativo ta cu e mucha mes ta splica un palabra na esun banda di dje y esun cu a scucha mester ripiti locual el a haya splica pa su bisiña, ta traha un ‘woordmuur’, un muraya di palabra nobo/dificil/importante pa esaki keda visibel pa e muchanan. E maestronan semper ta haci uzo di manera di traha activo durante nan les, pa asina laga tur hende keda involvi durante les.

Cooperacion di mayornan tambe ta bay automaticamente, irespecto di e idioma cu ta wordo papia na cas. E muchanan ta yega cas cu un tarea cu nan mester cumpli. E trabou di e mayor ta solamente duna atencion y aprecio nan nan yiu. E mucha mes ta lesa pa su mayornan. Hasta storia cortico traha pa e muchanan mes nan ta lesa, actua cu expresion na nan cara. Den un temporada cortico e alumnonan ta haya mas confiansa pa domina idioma y tambe e e systema aki ta baha nan miedo di haci presentacion dilanti klas.

Aunque cu den e decadasnan cu a pasa, varios elemento di e projecto aki lo a wordo introduci na PABO na Hulanda y otro Instituto pa Maestro, e projecto Success for All riba su mes ta uno cu ta ofrece un programa copleto y pa es motibo brinda mas exito. Lo ta necesario pasigui inverti den enseñansa Multi Lingual na Aruba, pasobra e situacion na nos pais ta uno unico, caminda e idioma di instruccion, di toets, metodo y examen no ta e idioma cu mayoria di e muchanan ta scucha na cas, na radio, na misa y tampoco e idioma cu nan mes sa comunica den dje riba social media.

Tuma un tiki tempo pa wak e video y haya sa mas di e projecto cu ta brinda siñamento cooperativo of sigui busca mas informacion riba internet.

Youtube channel: Success for All Nederland

Archived: SUCCESS FOR ALL

 

GSJ-2021-11-12