Recientamente Imelda Kleuterschool a celebra reapertura di e scol na Oranjestad. Pastoor Jairo Maduro a bendiciona e scol pa despues e reapertura di Imelda Kleuterschool por a tuma lugar. Imelda Kleuterschool a wordo establece oficialmente na september 1961. Un aña despues cu el a habri su portanan pa ricibi alumnonan di entre 4 y 6 ana. Pues, na September 2020 Imelda Kleuterschool a celebra 60 aña di existencia. Memey di e pandemia, cu a resulta cu varios scol mester a cera porta pa un temporado.

E edificio a haya un renobacion cu ta ofrece un espacio mas adecuado pa e muchanan y maestronan por traha riba e educacion di e alumnonan.  E reapertura a tuma luga oficialmente riba dia 13 di oktober 2020. Awo nos a wordo informa cu no solamente e edificio a keda manera nobo, si no tambe e team ta practicamente nobo y nan ta brinda e miho educacion posibel pa e futuro generacion.