Renobacion y reconstruccion di 3 scol plania pa 2020

Durante entrevista cu Anuesca Baly, Director di SKOA, a menciona cu den combersacion cu e mandatario encarga cu infrastructura a palabra cu na 2020 lo bay renoba 2 scol y reconstrui 1 scol.

Segun Baly, Minister di Desaroyo Teritorial, Infrastructura y Medio Ambiente Otmar Oduber a palabra cu SKOA cu lo bay reconstrui Colegio Frere Bonifacius, mientras lo renoba St. Aloysiusschool. Ambos renobacion lo tuma luga den 2020. Banda di esaki Colegio San Hose lo haya su renobacion, cual lo ta special mirando cu e lo ta moderno y tin palabracion pa mantene caracteristica arkitectonico di Misa Inmaculada Concepcion na Santa Cruz.

SKOA Aruba Colegio San Hose

Un gran parti di scolnan cu ta resorta bou di SKOA ta parti di un enclave di Obispado cu arkitectura cu ta similar na misanan Catolico. SKOA ta e entidad apunta pa Obispado pa salvaguardia esaki y pa motibo ey SKOA y Obispado ta comparti e pensamento cu mester salvaguardia herencia historico di e identidad y caracteristica arkitectonico di e edificionan, di scolnan Catolico pa nan por keda similar na e misanan Catolico ora di renobacion of reconstruccion.

SKOA-ST-ALOYSIUS

Cortesia di Bon Dia Aruba cu a publica e articulo original.