SIMAN DI SCOL DI CUATER DIA A WORDO INTRODUCI NA HULANDA, MERCA…

E falta di maestronan na Hulanda a bira asina grandi, cu diferente scol basico a introduci un siman di scol di 4 dia so. E ta algo nobo pa Hulanda, sinembargo na Merca tin algun districto cu a cuminsa cu esaki na ana 2018 caba. Specialmente den e areanan cu menos población esaki a resulta di atrahe maestronan di e cuidad pa bin traha. Door cu e salario di maestro no ta subi cu e experiencia, conocemento y training cu educacion den ciglo 21 te exigi di maestro. Mayoria scol a scoge pa duna dialuna como dia liber enbes di diabierna.

 

Un dia di scol menos, solamente 2 ora di les menos.

Pa baha e cantidad di dia di scol cu un dia, ta nifica cu ta subi e cantidad di ora di les na scol cu por lo menos un ora. Cuater dia cu 7 ora di les, enbes di cinco dia di seis ora. Riba e di cinco dia e muchanan ta subi online 2 ora, pa ripiti cierto materia of pa haci trabounan extra. Nan progreso ta wordo registra automaticamente. E maetsronan mes ta usa e di cinco dia pa reuni, coregi, evalua y prepara nan lesnan. Tambe ta uza un dia pa luna pa recapaticacion di e maestronan structuralmente. Tambe por haci uzo di e di cinco dia pa duna e muchanan cu mester di mas atencion sea academico of emocional lesnan di sosten. Esnan cu tin problema di comportacion por haya guiya special. Algun scolnan ta ofrece lesnan extra pa esnan cu ta interesa, manera les di idioma, comprencion di lesa, programacion y cushina.

Weekend di 3 dia, no ta pone mucha lubida.

Interesante ta e resultado di un investigacion scientifico cu a wordo eherce na Merca door di Mark Anderson (Montana State University) y Mary Beth Walker (Georgia State University). El a wordo publica den e revista Education Finance and Policy[1] y a mustra cu scolnan cu a baha e dianan di scol di 5 pa 4 dia a haya un miho resultado. E resultado di e Colorado Student Assessment Program (CSAP) di muchanan di klas 4 y 5 den e materianan di calculacion y matematica tawata miho cu esunnan den e mesun edad y klas cu a bay un scol di 5 dia pa siman. Mientras nan nivel di lesa y scirbi a keda riba e mesun nivel. E resultadonan no tawata locual e investigadornan a spera. Nan a anticipa cu un weekend di 3 dia, specialmente pa esnan mas chikito, lo laga nan lubida locual nan a siña e siman prome. Esey a prueba di no ta asina. Por ta e muchanan ta haya mas tempo pa sosega y procesa locual nan a siña.

 

Maestro na Aruba esun mas malo paga den reino

Den un mundo laboral, caminda e pago relativamente abou pa un trabou mentalmente pisa y asina exigente, complica y specialisa manera esun di un maestro, un siman di 4 dia por preveni burn-out y preveni cu tur aña menos hende ta scoge pa bay traha den enseñansa. Caminda na cuidadnan grandi manera New York, tur maestro ta baha cu pensioen despues di 20 aña di servicio, pa paisnan manera Hulanda y Aruba por scoge pa reduci a cantidad di dianan di contacto cu alumno y na scol pa e maestro, como cu na Aruba e maestro ta esun mas malo paga den henter Reino Hulandes.

 

Absentismo a baha

Pa varios mayor e ta un solucion tambe. Na Hulanda mayoria trahador den sector priva, ta traha 32 pa 36 ora pa siman. Cual ta un dia menos cu trahadornan den sector priva na Aruba, cu ta traha 44 ora pa siman. Esaki ta duna mas tempo na e famianan pa pasa tempo hunto.  E dia liber ta duna espacio na e trahador pa traha cita cu dokter, dentista, therapista pa nan mes of pa nan yiunan. Asina e muchanan ta perde menos les di scol y e famia ta haya mas tempo hunto y tin menos absentismo.

 

Efecto riba e termino largo

Investigacion pa wak e effecto riba e termino largo, a wordo strobe pa situacion di Covid-19, caminda scolnan a keda cera rond mundo pa lunanan largo, cual a causa cu no por compara e datonan mas na un manera scientifacamente confiabel.

 

GMSJ

[1] Mark Anderson, Mary Beth Walker 2015, Education Finance and Policy, Jaargang 10, 3e editie, p. 314-349.