Traduci for di Antilliaans Dagblad

 

SKOA TA HABRI AÑA SCOLAR NOBO

Oranjestad – E hecho cu e 46 scolnan di SKOA a keda cera ‘te proximo aviso’ no a dura hopi. Negociador Anselmo Pontilius a trece e solucion, cual a resulta cu e alumnonan por a cuminsa cu nan aña scolar. “Nos a cuminsa di nobo cu e dialogo y nos a haya e guarantia cu eproblema lo wordo soluciona.’ Palabranan di Anuesca Baly, directora di SKOA, durante e rueda di prensa ayera tardi. SKOA a sinta na mesa cu representantenan di Minister di Labor, cu e sindicato y cu e negociador di Pais Aruba. Varios Parlamentarionan tambe a demonstra di ta preocupa cu e situacion cu e personal di cuido interior, segun Baly. E reunionnan a resulta den e decision pa toch habri e aña scolar diahuebs dia 2 di September 2021.

“Mi a bishita varios scol diahuebs”, Baly a continua durante e rueda di prensa. “Mi a wak alumnonan alegre y maestronan contento, pasobra nos por mira otro atrobe.” Baly ta pone emphasis riba salud mental y pa es motibo tambe e ta importante cu e scolnan a habri bek. Hygiena tambe ta importante, p’esey e edificionan mester ta limpi y nos mester tene cuenta cu e protocolnan di Covid-19.” Baly su ponencia ta cu tene un scol limpi ta encera mas cu bari y mop. “Departamento di Salud Publico a instala protocol di hygiene cu mester cumpli cu n’e. E reglanan ta hopi estricto, cual ta encera mas trabou.” SKOA mes ta emplea e trahadornan di limpiesa interno. Na scolnan grandi nos tin hast dos of tres trahador. Pa logra cumpli cu limpiesa di tur e scolnan, mester a parti e trahadornan over di e diferente scolnan, cual tambe tawata un trabou bastante duro.”

Riba e pregunta pakico SKOA a dicidi tene e scolnan cera riba dia 1 di September ten a ultimo ora, Baly a reaciona cu esey no ta berdad. “Desde januari 2020 nos ta delinerando cu Gobierno tocante e situacion di limpiesa di scol. Nos a coopera (red: durante e situacion di Covid di)  aña pasa y a echt bay e ‘extra mile’. Pero ta yega un momento cu bo ta dicidi cu e ta basta.”SKOA a manda un proposicion pa Gobierno dia 3 di juni. Cual a resulta den un cita cu Minister President, cu na su turno a pidi pa un poco mas tempo. “Minister Presidente tawata tin mester di mas tempo pa cumpli cu mas detaya. Tambe e hecho cu Sra mr. Evelyn Wever-Croes ta e formado di e Gobierno nobo, tawata encera cu ta tene varios reunion cu stakeholders. SKOA tambe ta un di e stakeholders y den e forma ey tambe a sinta cu Minister Presidente. Pa falta di tempo, no por a discuti riba e topico di limpiesa. E fecha official pa scol habri tawata 19 di augustus. “Nos a informa tur hende involvi desde dia 13 di augustus caba di nos plan di accion, pasobra ainda no a resolva e problema di limpiesa”, segun Baily. Crisisteam a dicidi pa cera e scolnan pa dos siman, pavia di e cantidad di ing=fecion di Corona. Ora cu riba dia 31 di augustus e decision a cay pa habri scol bek, nos a dicidi pa kedas cera. Asina nos a anuncia esaki. E tawata conosi cu esaki lo por a sosede.” E conversacion cu Pontilius a contribui na e apertura di aña scolar nobo. SKOA lo sinta dialoga cu e Minister di Enseñansa nobo, cu lo haci e topico aki un prioridad.  A final director di SKOA a remarca cu esaki no tawata un staking. “Tur trahadornan tawata na pia di trabou. Solamente e scolnan no a habri y alumnonan no por a atende scol. Pero esey no ta un staking.”

2 di September 2021