Insripcion pa aña academico 2022-2023 na IPA ta cera 18 di februari 2022.

 

Ta ofrece 2 estudio completo (voltijd) di 4 aña pa e aña academico 2022-2023

• Enseñansa Primario

E estudio pa maestro di Enseñansa Primario ta forma maestro cu ta cualifica pa duna les na mucha di scol preparatorio (kleuter) y/of scol basico.

• Bachelor Nederlands als Vreemde Taal (segundo grado)

E estudio di Bachelor Nederlands als Vreemde Taal ta un estudio pa bira docente di Hulandes pa e alumnonan di enseñansa secundario. Pues, cu e estudio aki bo por duna les di Hulandes na alumno di epb, epi, mavo y e prome tres añanan di havo y vwo.

• Inscripcion 

Inscripcion pa aña academico 2022-2023 ta tuma luga online. E ultimo fecha di inscripcion lo ta 18 di februari 2022.

•  Pa por inscirbi lo mester cumpli cu lo siguiente

1.  Diploma (of studiante den examenklas):  • havo          • vwo        • epi ( nivel 4)        • 21+ Toets*

2. Paga e suma di 80 florin pa e test.

3. Registra pa e Beroepstest of Toelatingstest.

*no ta posibel mas pa inscribi pa 21+ Toets pa aña academico 2022-2023, door cu inscripcion pa e 21+Toets a cera dia 12 di november 2021.

Pa por inscribi bishita e website www.ipaaruba.com  of primi e link aki: aanmelden y scoge pa ‘Beroepstest Primair Onderwijs’ si bo ta  inscribi pa e estudio pa maestro di Enseñansa Primario y scoge pa ‘Toelatingstest Nederlands als Vreemde Taal’ si bo ta inscribi pa e estudio di Bachelor Nederlands als Vreemde Taal. E ultimo dia pa inscribi ta 18 di februari 2022 pa motibo di e trayecto preparatorio cu e interesado mester cumpli cu ne. Despues di e fecha aki no por inscribi mas pa aña academico 2022-2023. E testnan lo ta den luna di mei 2022.

(Redaccion: Esnan cu na e momento aki ta trahando den educacion secundario caba, tambe por opta pa haya un grado adicional pa e vak Hulandes como Idioma Stranhero (Nederlands als Vreemde Taal). Cualkier informacion cu nos redaccion ricibi tocante docente cu kier haci e estudio di NVT-docent, nos lo comparti cu boso).

Pa clausura IPA ta invita comunidad di Aruba, specialmente tur persona interesa pa cuminsa un estudio na IPA, pa ‘like’ e pagina di Facebook: Instituto Pedagogico Arubano y asina keda na altura di tur e ultimo desaroyonan.