Articulo original cortesia di masnoticia.com

Awe mainta SKOA a comparti algun informacion pa mayornan tocante inscripcion pa aña escolar 2021-2022, a cuminsa caba entrante 30 november y esaki lo keda habri te cu 31 di Januari, 2021, totalmente Online.

Pa muchanan cu ta haci cuater aña pa bay scol preparatorio, SKOA ta invita mayornan pa subi website di skoa, www.skoa.aw, escohe e parti na unda ta pone Inschrijving, scroll bay abao y bay na Inschrijving via LVS, yena bo email adres, bo number di AZV, y informacion di bo yiu. Dus bo mester bo AZV na man pa haci esaki, bo por uza e carchi tanten cu e ta valido, si dado caso no tin esaki, por download e app di AZV y haci e via esaki.

Pa esnan cu no tin AZV, ta accepta pa mayornan cumpra un seguro valido pa aña escolar 2021-2022. Tambe mester papel di censo, por uza paspoort y acta di nacemento di e mucha. Na momento cu escohe acta di nacemento mester tuma nota cu tin dos parti, pa SKOA ta hopi importante pa download ambos parti.

Ta importante pa inscribi e muchanan na tempo pa asina por haya e scol di bo escogencia, pa despues no por haya cupo na e scol cu kisas tabata desea inicialmente.

Pa muchanan cu ta saliendo for di kleuterschool pa bay scol basico, mayornan lo bay ricibi un carta via scol cu tur informacion riba esaki.