Cayena Kleuterschool a wordo funda na aña 1953 como Maria Goretti bewaarschool door di e fundacion Stichting Bethanie ( zusters van Bethanie). E scol a cuminsa cu 3 klas y tur e actividadnan tabata klassikaal y no ta tene cuenta cu e edad ora di traha. Na aña 1966 nan a cuminsa traha un scol nobo y esaki a termina na aña 1967 y a haña e nomber di un dje flornan mas conoci aki na Aruba. E scol a haña e nomber di Cayena kleuterschool y ta keda na Noord.

E tempo ey, e scol tabata tin solamente 4 klas. Mas despues SKOA a tuma e scol over. A fia den transcurso di aña 3 lokaal, 2 na St. Aloysius (1976-1934) y 1 klas na St. Anna school. Na aña 1990 nan a cuminsa amplia Cayena kleuterschool pa e klasnan por ta hunto den e mesun cura. Desde 1993 Cayena kleuterschool ta conta cu 6 klas. E motibo ta cu a elimina un klas na e momento cu a habri dos klas na Montaña basisschool na unda e muchanan cu ta biba den e barionan di Montaña, Sabana Liber, Washington y mas otro bario ta bay.

Na aña 1997 a habri un klas na e klooster pa motibo cu tabatin hopi mucha cu mester a haña lugar, pero ora cu a traha un scol na Washington y un na Montaña a sera e klas y Cayena kleuterschool a keda cu 6 klas. E aña escolar aki nos tin 24 mucha pa cada klas. Den total nos tin 144 mucha. Nos grupo di cada klas ta heterogeneo, pues tin mucha di 4, 5 y 6 aña den un klas.

Nos tin 3 porta di entrada na scol. Solamente e porta di dilanti ta wordo usa pa trese y busca e yiu. Nos bisiñanan ta St Anna school , St Aloysiusschool, Imelda Hof, Club Don Bosco y nos ta keda banda di Misa Sta Anna. Mas tanto e muchanan cu ta biba den e siguiente barionan ta bin Cayena kleuterschool: Palm Beach, Boegoeroei, Alto Vista, Kamay, Turibana, Saliña Cerca, Wespunt, Kurimiauw, Sero Pela, Rooi Santo, Casnan di Pueblo y Noord.