Nos di ‘Colegio Sagrado Curason’ ta duna enseñansa na nos muchanan abase di norma y balornan Cristian. Nos ta percura pa un bon ambiente pedagogico den cua respet pa otro y pa nos medio ambiente ta wordo siña. Nos ta siña e muchanan cu tur mucha ta igual pero cu nan propio abilidadnan y cu nos enseñansa ta duna espacio pa cada mucha desaroya su mes, riba nivel di scol basico regular, pa medio di e didactica cu nos ta desplega na nos scol.

Nos ta duna nos alumnonan un formacion solido cu ta basa ariba norma y balornan cristian cu ta sirbi nan di fundeshi pa ta hendenan responsabel, disciplina y cu sentido di deber den e comunidad arubano. E balornan cu nos ta inculca den cada alumno ta amor, confianza, respet, responsabilidad y integridad, ta balornan cu mester sali di e nucleo familiar. E lema di: ‘Lanta un mucha cu ta percura pa bida’ ta keda vigente. Y nos ta tene na bista cu ‘un mente sano den un curpa sano’ ta importante y nos lo percura pa duna deporte y nutricion adecua atencion.