Scol Preparatorio Nos Paraiso

SKOA Nos Paraiso Logo

Den añanan 1950 a habri un “bewaarschool” na Paradera pa muchanan di 4 pa 6 aña. Voluntarionan di bario a uni y traha 2 klas banda di misa cu a haña e nomber: Francisca Kleuterschool. Pero e poblacion di Paradera a cuminsa crece basta rapido y mester a haci uso di localnan di e scolnan basico pa por a acomoda tur mucha. Un scol preparatorio mas grandi a bira un necesidad grandi. Na comienso di añanan 1990 a cuminsa traha un scol preparatorio pa e bario di Paradera. Na augustus 1995 e prome alumnonan a cuminsa bay scol den e edificio nobo, grandi y bunita. Despues di un encuesta entre mayornan, a scohe pa e bunita nomber: Scol Preparatorio Nos Paraiso.

Aña escolar 1997-1998 scol a habri cu su nomber nobo y cu su propio emblema y alaves a introduci uniform pa e alumnonan. E aña aki nos ta inicia e di 24 aña di existencia di nos scol. Añanan cu a pasa bay lihe, pero cu a laga recuerdonan masha grato y inolvidabel atras. Pesey nos ta haci uso di e oportunidad aki pa gradici tur cu den pasado a yuda y tur cu lo yuda den e añanan nos dilanti pa engrandece nos scol.

Un danki di curason na tur cu tin nos scol na curason y cu semper ta cla pa copera 100% cu S.P. Nos Paraiso!

Inschrijven
 
Schoolhoofd L. de Kort-Boekhoudt
Adres Paradera
Telefoon +297 5825668 / +297 5826586
E-mail [email protected]
Social Media

Andere scholen